Биринчи вице-премьердин милдетин аткаруучу Мухамметкалый Абулгазиев ушул жылдын соңуна чейин Бишкек шаарында кыргыз-өзбек өкмөт аралык комиссиясынын отуруму өткөрүлө турганын билдирип, анда соода-сатык мамилесин өнүктүрүү жаатында сүйлөшүүлөр болорун айтты.
"Чек ара маселеси, экономика, жарандардын катышы боюнча маселерди көтөрүп, өзбек кесиптештерибиз менен талкууладык. Жакын арада дагы бир нече жолугууларды өткөрүү пландалууда", — деди ал.
Ал эми төкмө акын Идирис Айтибаев кыргыз-өзбек тилинде достукка ынтымакка үндөп төгүп ырдады. Өзбекстандан келген делегация ОшМУнун медицина факультети менен таанышты. Конокторду аталган факультетте окуган 26 мамлекеттен келген улуттун өкүлдөрүнөн турган студенттер тосуп алышты. Факультеттин аймагында кыргыз күүлөрү чертилип, өзбек тилинде ырлар ырдалды.
