Радиостудия Sputnik Кыргызстан в Бишкеке - Sputnik Кыргызстан
Радио

Жапар Келгенбаев: көп кабаттуу үйдөн чыккан суунун баары сыртка чыгып сасып жатат

© Sputnik / Табылды КадырбековЧүй айыл өкмөтүнө караштуу Чүй айылынын 70 жаштагы тургуну Жапар Келгенбаев
Чүй айыл өкмөтүнө караштуу Чүй айылынын 70 жаштагы тургуну Жапар Келгенбаев - Sputnik Кыргызстан
Жазылуу
Чүй айыл өкмөтүнө караштуу Чүй айылынын 70 жаштагы тургуну Жапар Келгенбаев Школьная көчөсүндөгү эки кабаттуу үйлөр борбордук канализацияга туташпай калгандыктан андагы суулар айлананы каптап сасып жатканын Sputnik Кыргызстан агенттигине билдирди.
Жапар Келгенбаев: көп кабаттуу үйдөн чыккан суунун баары сыртка чыгып сасып жатат

Жергиликтүү тургундун айтымында, көп кабаттуу үйдүн алды сазга айланып адам чыдагыс жыт пайда болгон. 

"Үч эки кабаттуу үй бар. Анын бири дагы борбордук канализацияга туташкан эмес. Эми ошол үч үйдөн чыккан суунун баарын жер сиңире албай, сыртка оргуштап чыгып жатат. Айлана сазга айланып, жашоого мүмкүн болбой калды", — деп билдирди Келгенбаев. 

Анын айтымында, акча чогултуп сууну сордуруудан майнап чыкпай келет. 

"Акча чогултуп сууну жерден сордуруп жаттык. Ал бир айга эле жетет. Ай сайын акча чогултууга баарынын эле шарты жок. Пенсионерлер менен жалгыз бой келиндер жашайт. Эки эле үй-бүлөнүн эркеги бар", — деди Келгенбаев. 

Пенсионер мындай шартта 10 жылдан ашык убактан бери жашап келе жатышканын белгилеп өттү. 

"Үйлөрдү борбордук канализацияга кошуу үчүн 16 миллион сом керек экен. Акимчилик менен айыл өкмөт акча жок дегенден башка чара көрө албады", — деп кейиди жергиликтүү тургун. 

Ал ошондой эле парламенттик шайлоого чейин партиялар опол тоодой убадаларды берип ошону менен жок болгонун кошумчалады. 

Жаңылыктар түрмөгү
0