БИШКЕК, 24-окт. – Sputnik. Коалициянын тарашы Баш мыйзамды өзгөртүү аракеттерине тоскоол болбойт. Бул тууралуу Sputnik Кыргызстан агенттигине КСДП фракциясынын лидери Иса Өмүркулов билдирди.
Белгилей кетсек, бүгүн КСДП фракциясынын лидери Иса Өмүркулов көпчүлүк коалициядан чыгуу тууралуу чечим фракция жыйынында кабыл алынганын маалымдаган.
"Коалициянын тарашы депутаттардын ишмердүүлүгүнө тоскоолдук жаратпайт. Андыктан Баш мыйзамды өзгөртүү боюнча аракеттер токтобошу керек. Депутаттарга саясий өзгөрүүлөр таасир бербей, Баш мыйзам боюнча демилгени колдоп берет деп ишенем", — деди Өмүркулов.
КСДП лидери жаңы коалиция түзүүгө президент укук бергенден кийин 15 күн ичинде маселе чечилеин, ага кимдер кире турганын айтууга азырынча эрте экенин кошумчалады.
