БИШКЕК, 24-окт. — Sputnik. Филиппин сенатору Лейла де Лима Кылмыш боюнча эл аралык сотту өлкөнүн президенти Родриго Дутертенин баңгилерге карата кылып жаткан ишин кароого чакырды. Бул туурасында РИА Новости Guardian гезитине шилтеме берип кабарлады.
"Ага (Родриго Дутерте – ред.) адамдарга каршы жасаган иштери үчүн сот кылмыш ишин козгошу керек", — деп айткан сенатор аталган басылмага берген маегинде.
Сенатор бул жаатта үч миңге чукул адам өлгөнүн билдирген.
Филиппиндердин жай айында шайланган президенти Родриго Роа Дутерте баңгизат колдонгондорго жана аны саткандарга аёосуз күрөш жарыялаган.
Полициянын маалыматына караганда Дутерте бийликке келгенден бери өлкөдө баңгизат сатууга байланышы бар делген жана ага шектелген үч миңге миң киши өлтүрүлгөн. Дүйнө коомчулугу мамлекет башчынын баңгизат көйгөйүнө каршы мындай ыкма менен күрөшүүсүнө бир нече ирет нааразычылыгын билдирген.
