БИШКЕК, 21-окт. — Sputnik. Түндүк Кореядагы зоопарктын бириндеги шимпанзе кишилердей буркуратып тамеки чегип социалдык тармакта жылдызга айланганын Telegraph басылмасы жазды.
"Азалия" деген каймана аты менен белгилүү маймыл тамеки гана чекпестен, чакмак ташты да колдонууну үйрөнүп алган.
Анын интернетке жарыяланган видеосунда тамекини кишилер сыяктуу эле кармап чегип жатканын көрүүгө болот. Зоопарктын кызматкеринин айтымында 19 жаштагы маймыл бир күндө бир куту тамеки чегет.
Telegraph басылмасынын билдиришинче зоопарктын жетекчилиги жаныбарларды коргоочулар тарабынан катуу сынга кабылган. Себеби, зоопаркка көп кишини алып келүү үчүн маймылды жаман адатка үйрөтүшүүдө дешет ал.
