Эгемберди Чалабаев: "Суфлерго" Султан Раев өзү режиссерлук кылды
Султан Раевдин Лондондо өткөн эл аралык I арт-фестивалында баш байгени алган "Суфлер" спектаклине өзү режиссерлык кылып, үч ай даярдаганбыз. Бул туурасында Жаштар театрынын директору Эгемберди Чалабаев Sputnik Кыргызстан маалымат агенттигине кабарлады.
"Бизге Лондондон чакыруу келгенден баштап драматург Раевдин "Суфлер" чыгармасын тандап алып, үч ай даярдандык. Улуу Британиянын Лондон шаарында спектакль жакшы резонанс жаратты. Ал эми актриса Назира Мамбетова аялдын ролун мыкты аткаргандыгы үчүн жеңүүчү аталды", — деди Чалабаев.
Директор театр жамааты Тумандуу Альбиондон жеңиш менен кайткан кесиптештерин бүгүн таңкы саат алтыда аба майдандан тосуп алгандыгын кошумчалады.
