БИШКЕК, 20-окт. — Sputnik. Бишкек шаарындагы "Ак-Ордо" жана "Мурас-Ордо" жаңы конуштарына мектеп куурулса, "Кара-Жыгачтагы" мектеп оңдолуп калабына келтирилип жатканын мэрия билдирди.
Маалыматка ылайык, "Ак-Ордо" конушунда 960 орундуу мектептин курулушу башталды. Ал эми "Мурас-Ордодо" 550 орундуу мектептин курулушу пландаштырылууда. Учурда котлован жана башка жер жумуштары үчүн тендер жарыяланды.
Мэрия мындан тышкары "Кара-Жыгач" конушундагы мектептин оңдоо иштери ушул жылдын соңунда аягына чыгарын, ал эми "Калыс-Ордодогу" мектептин курулушу жүрүп жатканын кошумчалады.
