БИШКЕК, 20-окт. – Sputnik. Окумуштуулар Түндүк Ирландиянын жашоочуларынын генинде дөө сымал өнүгүүгө алып келе турган өзгөчө түр бар экенин аныкташкан. Мындай адамдар көбүнчө Ирландиянын Ольстер шаарында жашайт деп жазды РИА Новости Human Mutation журналына таянып.
Окумуштуулардын изилдөөсүндө Ирландиянын түндүгүндө жайгашкан Ольстер шаарынын ар бир жүз элүүнчү тургуну акромегалиядан жапа чеккен өзгөчө түрүн алып жүрөт.
Акромегалия — адамдын колу, буту жана сөөктөрү өтө тез арада өсө турган өзгөчө илдет. Бул оору менен жабыркаган адамдын бою тез өсүп, беттеги сөөктөрү да чоңоео баштайт.
Окумуштуулардын айтымында, ДНК изилдөөлөрүнүн натыйжасында алп адамдар мындан 2,5 миң жыл мурун эле болгону жана акромегалия илдети ошол убакта эле кездешкени аныкталды.
