БИШКЕК, 20-окт. — Sputnik. Бишкек шаарында эки күндө үч кишинин сөөгү табылды. Алар сууктан тоңуп өлүшү мүмкүндүгүн Бишкек ШИИБ билдирди.
"Алгачкы эки сөөк Тоголок Молдо — Күрөңкеев көчөлөрү жактан табылган. Үчүнчү сөөк Ош базарынын аймагындагы Киев — Кулиев көчөлөрүнүн аймагынан табылган. Каза болгондор 40-50 жаштарда экени болжолдонууда. Алдын ала маалыматтар боюнча алар тоңуп өлгөн", — деп айтылат билдирүүдө.
Укук коргоо органдарынын өкүлдөрү алардын денесинен эч кандай зордук-зомбулуктун белгиси табылбаганын, божомолго ылайык, жарандар суукка тоңуп өлгөнүн айтышты.
Маркумдардын сөөгү шаардык өлүкканага жеткирилди.
