БИШКЕК, 16-окт. — Sputnik. Ички иштер министри Кашкар Жунушалиев армян полициясындагы реформалар менен таанышканын ИИМ билдирди.
Армян полициясынын башчысы Владимир Гаспарян менен жолугушуу аталган өлкөгө болгон иш сапардын алкагында уюштурулган.
Гаспарян эки өлкөнүн полиция структураларынын кызматташуусун тереңдетүү зарыл экенин белгиледи.
"Бул өзгөчө кылмыштуулук трансулуттук мүнөзгө ээ болуп жаткан азыркы учурда чоң мааниге ээ", — деди ал.
Гаспарян кыргызстандык кесиптешин Армения полициясында жасалып жаткан реформалар менен тааныштырып, ийгиликтерди көрсөттү.
Өз кезегинде Жунушалиев Кыргызстан менен Армениянын укук коргоо органдары ар кыл макулдашуунун алкагында кызматташарын белгилеп, өнөктөштүк мамиленин келечеги кең экенине токтолду.
Тараптар бир катар маселелерди талкуулашты.
