БИШКЕК, 16-окт. — Sputnik. Ош шаарынын 27 жаштагы тургуну ок атуучу тапанчаны сатууга аракет кылып жаткан жеринен кармалды. Бул тууралуу Ош облусттук ИИБдин маалымат катчысы Жеңиш Аширбаев билдирди.
Маалыматка ылайык, ИИМдин Уюшкан кылмыштуулукка каршы күрөшүү башкы башкармалыгынын кызматкерлери "Издөө" операциясын жүргүзгөн учурунда Ош шаарынын 27 жаштагы жараны кармалган. Ал Навои эс алуу багында "Револьвер" үлгүсүндөгү ок атуучу тапанчаны сатууга аракет кылган.
Бул факты боюнча кылмыш иши козголуп, тергөө иштери улантылууда.
