БИШКЕК, 13-окт. — Sputnik. Бишкек шаардык ички иштер башкармалыгы көзү ачыктын колунан өлдү делген баланын чоо-жайын иликтеп жатат Бул тууралуу милициядан билдиришти.
ШИИБ наристенин ата-энесинин айтканына таянуу менен тараткан билдирүүдө алар баласын айыктыра албай, 80 жаштагы көзү ачык кемпирге кайрылган.
Алдын ала маалымат боюнча кемпир баланын жаракатын көк таш менен дарылаган. Андан кийин баланын абалы начарлап кеткен. Ата-энеси аны оор абалда №3 ооруканасына алып барышкан. Бала ошол жерден каза болгон.
Наристенин каза болгону тууралуу милицияга ооруканадан кабарлашкан. Ата-энесинен эч кандай билдирүү түшкөн эмес. Кемпир колдонгон каражат боюнча сот-медициналык экспертиза дайындалды.
Окуянын чоо-жайын ШИИБ кийинчерээк билдирет.
