Буга чейин Кыргызстандагы социалдык тармактарга кичинекей балдардын бири-бирин уруп, канжалата мушташып, ал эми аларды чоңдордун кубаттап турган видеосу тараган. Милиция видеодогу балдардын жана кишилердин ким экендигин 8-октябрда аныктап чыкты. Окуя Өзгөн районундагы Баш-Дөбө айылында болгон.
"Милиция аларды издөө иштерин баштап, жакында адардын ким экендигин анык болду. Балдарды мушташтырып жаткан чоңдор ошол балдардын аталары болуп чыкты. Бул факты аныкталгандан кийин Өзгөн райондук милициясы тарабынан ал эки киши убактылуу кармоочу жайга киргизилди", — деди ИИМ өкүлү Осмонбаев.
Ал прокуратура бул факты боюнча Кылмыш Кодексинин 156-беренесинин ("Жашы жетпегендерди кылмыш жасоого тартуу"), 161-беренесинин ("Жашы жетпегендерди тарбиялоо боюнча милдеттерди аткарбоо"), 234-беренесинин ("Бейбаштык") негизинде кылмыш ишин козгогондугун айтты.
