БИШКЕК, 12-окт. — Sputnik. Кыргыз эл сүрөтчүсү Жоомарт Кадыралиевдин өмүрү жана чыгармачылык жолуна арналган "Жоомарт Кадыралиев" аттуу китеп чыккандыгын Улуттук илимдер академиясынан кабарлашты.
Билдирмеге караганда бир миң нуска менен жарык көргөн китептин автору Сапалкан Арипов болуп эсептелет.
"Китепте Кыргыз эл сүрөтчүсү, III даражадагы Манас орденинин ээси, Эл аралык ЕСО маданий борборунун алтын медалынын ээси Жоомарт Кадыралиевдин өмүр жолу жана чыгармачылыгы баяндалган", — деп айтылат маалыматта.
Китеп Жоомарт Кадыралиевдин 70 жылдыгына арналып чыгарылган.
