Кыргызстан Памирдеги боордошторго кезектеги жардамын жеткирди

© Фото / пресс-служба Государственной службы миграцииАфганистандын Кичи жана Улуу Памиринде жашап жаткан кыргыздарга Кыргызстандан даярдалган гуманитардык жардам
Афганистандын Кичи жана Улуу Памиринде жашап жаткан кыргыздарга Кыргызстандан даярдалган гуманитардык жардам - Sputnik Кыргызстан
Жазылуу
Бишкектен барган медиктер 300гө чукул адамдын медициналык кароодон өткөрдү.

БИШКЕК, 12-ок. — Sputnik. Афганистандын Кичи жана Улуу Памиринде жашап жаткан кыргыз кандаштарга Кыргызстандан барган делегация гуманитардык жардам тапшырды. Бул туурасында өкмөттүн маалымат кызматы кабарлады.

Жүк ташуучу жети автоунаадан турган кербен Оштон мындан тогуз күн мурда азык-түлүк, дары-дармек, жылуу кийимдер жана боз үй алып, этникалык кыргыздар жайгашкан жайга чыгып кеткен.

Памирдеги кыргыздар. Архив - Sputnik Кыргызстан
Үзүлгөндү улачу, чачылганын жыйначу күн келди. Памир кыргыздарын Түпкө көчүрүү демилгеси
Кыргызстандан жеткирилген жардам ар бир үй-бүлөгө берилди. Мындан сырткары, медициналык кызматкерлер Кичи жана Улуу Памирдеги жашап жаткандардын ичинен 300гө чукул адамды медициналык кароодон өткөрдү. 

Маалыматта этникалык кыргыздар кандаштарынын келгенине жетине албай кубанып, ыраазычылыктарын билдиришкени айтылат.

Учурда Афганистандагы Кичи жана Улуу Памирде 1500гө чукул этникалык кыргыз жашайт. 

Гуманитардык жардамды уюштуруу үчүн өкмөттөн 10 миллион сом бөлүнгөн.

Жаңылыктар түрмөгү
0