Эскерте кетсек, China Road and Bridge Corporation Бишкек — Нарын — Торугарт жолун салып жатат.
"2015-жылдын 28-июлунда Транспорт жана коммуникация министрлиги менен China Road компаниясынын ортосунда 1010BZ мамлекеттик номерлүү Lexus LX 570 үлгүсүндөгү автоунааны колдонуу боюнча келишимге кол коюлган. Министрликте жолдорду оңдоо, курулуш, реабилитация иштерине атайын көзөмөл жүргүзүлүп турат. Ага автоунаа керек болгондуктан, ушундай келишим түзүлүп, колдонула баштаган", — деди Досумбетов.
Маалымат кызматынын жетекчиси бул келишим Транспорт жана коммуникация боюнча мурдагы министр Аргынбек Малабаев учурунда түзүлгөндүгүн айтты.
"Макулдашуу мурдагы министр (Аргынбек Малабаев – ред) убагында түзүлгөн. Аны пайдаланууга кеткен чыгымдар министрлик тарабынан каржыланып турган", — деди ал.
Досумбетов кечээ, 10-октябрда эки тараптуу келишимдин негизинде Lexus LX 570 автоунаасын China Road компаниясына кайтарылып берилгенин айтты.
