БИШКЕК, 9-окт. — Sputnik. Индияда өспүрүм кыз жыл сайын июлдан баштап ноябрга чейин созулчу тамактан баш тартуу маалында каза болуп калды. Бул тууралуу Times of India басылмасына таянуу менен РИА Новости жазып чыкты.
Маалыматка ылайык, 13 жаштагы Арадхана тамактан баш тартуунун 68-күнүндө ооруканага алып келинген. Өтө узакка созулган ачкачылыктан ал коомага түшүп калган. Дарыгерлердин айтымында, кыздын ашказаны менен бөйрөктөрү жабыркаган.
Өспүрүм жергиликтүү дин кызматкеринин сунушу менен 10 аптадан бери тамак ичпей келген. Кыздын ата-энесинин иши жүрүшпөй, мындан улам дин өкүлү ийгиликти кайтаруу үчүн кыз оозун бекитиши керектигин айткан.
