БИШКЕК, 8-окт. — Sputnik. Ошто көптөн бери төрөй албай жүргөн аял өз ичин жарып салганын ШИИБдин маалымат катчысы Замир Сыдыков билдирди.
Анын айтымында, окуя ишембиге караган түнү болгон.
"Аял баары уктагандан кийин тырмак өгөөлөгүч менен өзүн жарадар кылган. Бактыга жараша дарыгерлер анын өмүрүн сактап калышты. Учурда келин реанимацияда", — деди ал.
Өзүн өзү өлтүрүүгө келиндин көп жылдан бери төрөй албай келгени себеп болгон. Учурда иликтөө иштери жүрүп жатат.
