БИШКЕК, 8-окт. — Sputnik. Венесуэланын президенти Николас Мадуро Уго Чавес атындагы дүйнөлүк сыйлыгын негиздөө боюнча айтып чыкты. Бул тууралуу Рейтер агенттигин шилтеме кылган РИА Новости билдирет.
"Мен элдердин тынчтыгы жана суверенитети үчүн Уго Чавес атындагы сыйлыкты негиздөөнү чечтим. Алгачкы сыйлыктын ээси менин оюмча президент Владимир Путин болот. Ал чын жүрөгүнөн кабыл алат деп ойлойм", — деп айтылат маалыматта.
Ошондой эле өлкө башчысы Россия президентин "тынчтык орнотуучу" жана "көп кырдуу дүйнөнүн куруучусу" деп атады.
Маалыматка ылайык, сыйлык иретинде орус сүрөтчүсү тарабынан жасалган Уго Чавестин статуэткасы берилет.
