БИШКЕК, 8-окт. — Sputnik. Тышкы иштер министрлигинин Консулдук кызмат департаменти Кытайда окуган КР студенттери үчүн визага документтерди кабыл ала баштай турганын билдирди.
Маалыматка ылайык, документтер 10-13-октябрь күндөрү Раззаков көчөсү, 66 дареги боюнча саат 9.30дан 17.00гө чейин кабыл алынат.
ТИМ тийиштүү документтери толук тиркелген арыздар гана кабыл алына турганын белгилейт. Керектүү документтерге төмөнкүлөр кирет:
- КР жаранынын жалпы жарандык паспорту жана ID card, алардын копиясы
- Электрондук форматта толтурулган анкета
- Кытайдын окуу жайына катталганы тууралуу билдирменин түп нускасы жана анын копиясы
- Бишкектеги "Строитель" бейтапканасынан жана СПИД борбордон маалым кат
- Эки түстүү сүрөт
- Окуунун бир жылдык суммасын — 2500 АКШ доллар төлөгөндүгү тууралуу банктан тастыктама.
Кытайга окуудан тышкаркы максат менен бара турган жарандарга азырынча виза берилбейт.
