БИШКЕК, 7-окт. — Sputnik. КР президенти Алмазбек Атамбаев бүгүн Россиянын президенти Владимир Путин менен телефон аркылуу сүйлөшүп, аны туулган күнү менен куттуктаганын өлкө башчынын маалымат кызматы билдирди.
7-октябрда Россиянын президенти 64 жашка чыкты.
"Сүйлөшүүнүн жүрүшүндө президенттер кыргыз-орус көп кырдуу кызматташуунун маанилүү маселелерин жана ар кыл багыт боюнча өз ара аракеттенүүнүн мындан аркы келечегин талкуулашты", — деп айтылат маалыматта.
Учурдан пайдаланып Алмазбек Атамбаев Москвадагы Борбордук клиникалык ооруканадан медициналык текшерүүдөн өтүүсүнө көрсөткөн колдоосу жана көмөгү үчүн Владимир Путинге ыраазылык билдирди.
