БИШКЕК, 6-сен. — Sputnik. Ысык-Көлдүн Каракол шаарында "Хизб ут-Тахрир" террордук жана диний экстремисттик багыттагы жашыруун иш алып барган ячейканын иши токтотулду. Бул туурасында УКМКнын маалымат кызматы кабарлады.
Алар эл арасында халифат орнотуу жана конституциялык түзүлүштү кулатуу идеясын жайылтып жүргөн деп айтылат маалыматта.
Алардын жанын тинте келгенде кармалган эки кишиден бир топ сандагы DVD-дисктер, тыюу салынган адабияттар, китеп-журналдар жана баракчалар табылган.
УКМК бул факты боюнча тергөө иштери башталгандыгын билдирди.
