БИШКЕК, 3-окт. — Sputnik. 298 аба каттамы Японияга улам жакындап келе жаткан "Чаба" деп аталган күчтүү тайфундан улам учпай калды деп жазды РИА Новости.
Күн Чыгыш өлкөсүнүн тогуз авиакомпаниясы Окинава тарапка уча турган каттамдарын токтотту.
Учурда тайфун Окинава префектурасынын түштүк аймагында болуп жатат. Кечээтен тарта ал архипелагдын аралдарына жакындап, бирок багытын өзгөрткөн. Синоптиктер тайфун түндүк-чыгышка жылып, Япониянын үстүнөн өтөт деп билдиришти.
Борбордо шамал секундасына 50 метрге чукулдап барган. Тайфун катуу шамал жана нөшөрлөгөн жамгыр менен коштолууда.
