БИШКЕК, 1-окт. — Sputnik. Быйыл Талас аймагында төө буурчактын баасы бир килограммына 52-58 сомго чейин жетип, бүгүнкү күнгө чейин 5652 тонна буурчак экспортко жөнөтүлгөн. Бул туурасында өкмөттүн маалымат кызматы кабарлады.
Маалыматта быйыл 1 кг. төө буурчактын баасы 52-58 сомго жеткенин, ал эми былтыр бул маала 25-30 сом болгондугу айтылат. Ушул күнгө экспортко 5652 тонна буурчак жөнөтүлгөн.
Өкмөттүн Талас облусундагы ыйгарымдуу өкүлү Дайыр Кенекеев, аймакта эки жерде төө буурчакты орогон чакан заводдор курулуп жатканын, алар ишке кирсе, баа дагы жогорулай турганын кошумчалаган.
"Абулгазиев Таластагы айыл чарба тармагында жергиликтүү дыйкан-фермерлерди жаңыча ыкма менен иш алып барып, түшүмдүүлүктүн сапатын жогорулатууга аракет кылууга үндөдү", — деп айтылат маалыматта.
Аткаминер бул багытта жергиликтүү мамлекеттик органдарга жер-жерлерде түшүндүрүү иштерин жүргүзүүнү тапшырган.
