БИШКЕК, 1-окт. — Sputnik. Исмаил Мамытов. Бүгүн Улгайгандардын эл аралык күнү. Бул күнү карыяларыбызга урмат көрсөтүп, батасын ала турган учур экенин айтпасак да белгилүү. Аталган майрам Бириккен Улуттар Уюмунун Башкы ассамблеясынын 1991-жылдын 1-октябрындагы 45-сессиясында бекитилген. Ошондон тартып 1-октябрда дүйнөнүн булуң бурчунда карыларга сый көрсөтүлүп, ар кыл иш-чаралар өткөрүлүп келет.
Sputnik Кыргызстан агенттиги бул майрамды да көз жаздымда калтырбай, кыргыз саясатында орду бар, төбөсү көрүнгөн адамдардын ата-энелеринин сүрөттөрүн берүүнү туура көрдү. Анткени ата-энелерибиз биз менен коштошуп кеткен күндө да, ар убак туткабыз, түгөнгүс кенчибиз бойдон кала берет.
Биз төмөнкү инсандардын архивдик сүрөттөрүн топтоп чыктык. Бул сүрөттөрдү көрүү менен саясатчылардын кимиси атасына же энесине окшоштугуна көз салсаңыз болот.
