Афганистандын Улуу жана Кичи Памир аймагына жети жүк ташуучу унаа барат. Транспорт каражаттарын Өзгөчө кырдаалдар министрлиги бөлмөй болду.
"Башкы максат – Памирдеги боордошторубузга жакындан жардам көрсөттү. Гуманитардык жардамдын алкагында жашай турган боз үй, азык-түлүк жана кийим кече алып бара жатабыз. Максат — алардын социалдык абалын аныктап, кандайдыр бир чараларды көрүп, конкреттүү жардам берүү", — деди Исабек кызы.
Делегациянын курамында ӨКМ, Саламаттыкты сактоо министрликтеринин, өкмөт менен парламент аппараттарынын өкүлдөрү кирген. Дарыгерлер памир кыргыздарынын ден соолугун текшерип келмекчи. Маалыматтарда учурда Улуу жана Кичи Памирди жердеген боордошторубуздун саны 1500 кыргызга чукулдап барат.
Ал экспедиция 10 күн аралыгында жүрүп, 13-октябрда кайтып келерин айтты.
