БИШКЕК, 28-сен. — Sputnik. Афганистандагы абадан жасалган чабуулдан "Ислам мамлекети" террордук уюмунун эң аз дегенде 18 тарапташы, анын ичинде топтун командирлеринин бири жок кылынды. Бул тууралуу РИА Новости Khaama агенттиги полиция өкүлдөрүнө шилтеме кылуу менен кабарлады.
Жергиликтүү полиция топтун командири Кари Хамза (Qari Hamza) өлгөнүн маалымдады. Чабуулдар Ачин районундагы согушкерлер турган аймактарына багытталган.
Афганистандагы жагдай акыркы айларда сезилерлик начарлап кетти. Буга чейин өлкөнүн айыл райондорунда кеңири аймактарды ээлик кылып жүргөн "Талибан" радикалдык кыймылы учурда ири шаарларга басып кирип жатат. Ошондой эле өлкөнүн аймагына РФте жана башка мамлекеттерде тыюу салынган "Ислам мамлекети" террордук тобунун таасири күчөдү.
