БИШКЕК, 28-сен. — Sputnik. Жогорку Кеңешке 1-октябрга чейин 2016-жылдын бюджетине киргизиле турчу өзгөртүүлөр жиберилет. Ал жакта чыгымдарды 14 миллиард сомго кыскартуу пландалууда. Бул тууралуу Финансы министрлигинин маалымат кызматы билдирди.
Шейшемби күнү премьер-министр Сооронбай Жээнбеков өкмөттүн жыйынында бюджетти тең салмактап, таңкыстыкты жайгаруу үчүн мамлекеттик органдардагы чыгымды 14 миллиарддан ашуун сомго кыскартуу пландап жатканын билдирди.
Анын айтымында, Финансы министрлиги башка министрликтердин жана ведомстволордун корголгобогон беренелерин (транспорттук чыгым, ремонт жана башка чыгымдар) 1,9 миллиард сомго кыскартат. Андан сырткары, министрликтердин атайын каражаттарынын чыгымдарын 807 миллион сомго, бюджеттик каражаттарды 4 миллиард 460 сомго кыскартуу каралууда. Күч түзүмдөрүнө 400 миллион сом берилбейт. Андан сырткары, айлык үчүн делген 300 миллион сом кыскарат.
Бюджеттин коргоого алынган беренелери (бюджеттен алынган айлык акы, Соцфондго болгон төлөм, дары-дармек үчүн төлөнчү төлөмдөр) кыскарбайт, жыл аягына чейин алар толук көлөмдө жана өз маалында төлөнөт деп Финансы министрлиги ишендирди.
