Радиостудия Sputnik Кыргызстан в Бишкеке - Sputnik Кыргызстан
Радио

Махидил Сулайманова: ишкер жолдошума тапанча такап "өлтүрөм" дептир

© Sputnik / Кушбекова АширбуУлуттук коопсуздук кызматынын Кызыл-Кыя шаары боюнча бөлүм башчысынын жубайы Махидил Сулайманова
Улуттук коопсуздук кызматынын Кызыл-Кыя шаары боюнча бөлүм башчысынын жубайы Махидил Сулайманова - Sputnik Кыргызстан
Жазылуу
Чекисттин жубайы Махидил Сулайманова жолдошу менен ишкер Зарылбек Мааткалыковдун ортосунда чыккан жаңжалдын чоо-жайын Sputnik Кыргызстан агенттигине айтып берди.
Махидил Сулайманова: ишкер жолдошума тапанча такап "өлтүрөм" дептир

Сулайманова окуяга өзү күбө болгон эмес. Ал жолдошунун айтып бергени боюнча окуяны баяндады.

"Жолдошум 25-сентябрда Көк-Жар айылынан Кызыл-Кыяга Niva үлгүсүндөгү унаасы менен келатканда Lexus унаасынын айдоочусу менен жол талашып кетишкен. Жолдошум машинанын алдына өтүп аны токтотуп "кызматтык унаада келатканымды көргөн жоксуңбу, эмне кысасың" десе, тиги дагы жооп кайтарып пикир келишпестик ошондон башталган", — дейт Сулайманова.

Ал чекисттин унаасында келе жаткан жолоочулар аларды ажыраштырып, унааны көздөй басышканда Мааткалыков чекисттин артына тапанча такаганын айтат. 

"Бет маңдайына кайрылганда тапанчаны чекесине такап "өлтүрөм" дептир. Аны алаксытыш үчүн атайын "жүрөккө атпайсыңбы" дегенде ал тапанчасын жүрөккө такаганда жолдошум колун кайрып туруп куралын алып койгон. Ошону менен участкага бармай болуп жөнөп кетишкенде жолдон эки унаа келип жолдошумду кысып токтотуп, унаадан чыгарбай сабашыптыр", — деп билдирди чекисттин жубайы. 

Сулайманова үйүнө түндө келген жолдошунун бети-башы көк ала экенин эртең менен гана көргөнүн кошумчалады. 

Учурда бул ишти Аскер прокуратурасы менен Ноокат РИИБи иликтеп жатат.

Жаңылыктар түрмөгү
0