Гүлжамал Жороева: Ош шаарынын 3016 жылдыгы октябрдын башында өтөт
Майрам 5-октябрь күнү, саат 9:00дө шаардын борбордук аянтында театралдашкан оюн-зоок, концерттик программа менен башталат.
"Анда "Байыркы Ош шаары-Улуу Жибек Жолунун маданий борбору" аттуу тарыхый көрүнүш уюштурулат. "Бактылуу балалык" хореографиялык музыкалык композициялар, 500 комузчунун аткаруусундагы "Маш ботой" күүсү, "Устат-шакирт" фольклордук ансамблинин композициялары, жаштардын бийи (флеш-моб) болот", — деп билдиришти мэриядан.
Учурда атайын адистердин кеңеши менен шаар күнүн белгилөөнүн сценарийлери иштелип жатат. Салтанатка жергиликтиүү жашоочулардан сырткары чет мамлекеттерден коноктор, достук келишимдеги шаарлардын мэрлери жетектеген делегациялардын келиши күтүлүүдө.
