Аукциондон 555AAA номери 110 миң сомго сатылды

© Sputnik / Табылды КадырбековКыргызстандын каттоо кызматынын https://nomer.srs.kg аттуу расмий сайтынан алынган кадр. 01 KG 555AAA унаа номерин сатуу
Кыргызстандын каттоо кызматынын https://nomer.srs.kg аттуу расмий сайтынан алынган кадр. 01 KG 555AAA унаа номерин сатуу - Sputnik Кыргызстан
Жазылуу
Yandex newsTelegram
Шаршемби күнү Кыргызстанда "өзгөчө номерлерди" сатуу боюнча онлайн-аукцион башталды.

БИШКЕК, 21-сен. — Sputnik. Бишкектин тургуну 110 миң сом төлөп 01 KG 555AAA унаа номерин сатып алды. Бул тууралуу аукцион жүргүзгөн сайтта айтылат.

Бул номердин баштапкы баасы 40 миң сомго барабар болчу. 22 мүнөткө созулган аукционго төрт адам катышкан.

Онлайн-сатуу 21-сентябрда башталган. "А" сериясынан номердин 37комплектиси коюлуп, үч этапта 21-22 жана 28-сентябрь күндөрү сатылат. "121" сыяктуу кооз унаа номерлери аукциону жок сатыкка коюлат. Ал эми өзгөчө комбинациялуу номерлер Кыргызстанда биринчи жолу онлайн-аукцион аркылуу сатылып жатат.

Бүгүн 01 KG 111AAA унаа номери 160 миң сомго сатылды. Ал эми ушул эле комбинациясы менен 333 номери 76 миң сомго сатылды.

Мамлекеттик каттоо кызматы ушул жылдын 1-июнунан тарта унааларга мамлекеттик номерлердин жаңы үлгүсүн сата баштаган. Азыркы үлгүдө номер үч сандан жана үч тамгадан турат. Тушунда Кыргызстандын туусунун сүрөтү мурдагыдай эле сакталган.

Жаңылыктар түрмөгү
0