БИШКЕК, 19-сен. — Sputnik. Түркиянын полициясы Азербайжан, Афганистан, Ирак жана Ирандын 40 жаранын "Ислам мамлекети" террордук уюмунун согушкерлери болушу мүмкүн деген шек менен кармады. Бул туурасында РИА Новости CNN Turk телеканалына шилтеме кылып кабарлады.
Полициядагы маалымат булактарынын билдиргенине караганда согушкер деп шектелген адамдарды кармоо операциясы Стамбул шаарында 23 дарек боюнча жүргүзүлгөн. Кабарларда алардын бир бөлүгү Сириядагы террорчулардын катарында болуп, согуштук аракеттерге катышкан деп айтылууда.
Полиция кармап жатканда алардан "Ислам мамлекетине" тиешелүү материалдарды тапкан.
