КРдин футбол боюнча курама командасы FIFA рейтингинде үч сап төмөндөдү

© Sputnik / Табылды КадырбековКыргызстандын футбол боюнча курама командасынын оюнчулары. Архив
Кыргызстандын футбол боюнча курама командасынын оюнчулары. Архив - Sputnik Кыргызстан
Жазылуу
Биринчи үчтүккө Аргентина, Бельгия, Германиянын курама командалары кирди

БИШКЕК, 15-сен. — Sputnik. Кыргызстандын футбол боюнча курама командасы FIFA рейтингинде үч сап төмөндөгөнү аталган уюмдун расмий сайтында маалымдалды.

Июль айындагы жыйынтык боюнча Кыргызстандын курама командасы 105-орунду ээлеген.

Август айында болсо команда үч сап төмөндөп, 108-орунду ээледи. Ал бул орунду Габона мамлекетинин курама командасы менен тең бөлдү.

Кыргызстандын футбол боюнча курама командасы (U-16). Архив - Sputnik Кыргызстан
Азия чемпионатынын алкагында Кыргызстан Австралия менен беттешет
Августта КР курамасы Казакстандын командасы менен жолдоштук беттеш өткөрүп, 2:0 эсебинде утуп алган. Ошондой эле филипиндиктер менен да Бишкекте беттешип, 1:2 эсебинде утулуп калган.

Айдын эң мыкты командасы деп Боливияныкы таанылды. Ал 35 сап жогору көтөрүлгөн. Ал эми эң начар көрсөткүчтү Борбордук Африка республикасы ээлеген, алар 35 сап төмөн түшүп кеткен.

Дүйнөнүн эң мыкты үчтүгүндөгү рейтингде өзгөрүү болду. Германиянын курама командасы Колумбияны төртүнчүгө таштап, үчүнчү орунга чыкты. Ошентип эң мыкты үч команда болуп Аргентинанын, Бельгиянын жана Германиянын командалары таанылды.

Кийинки рейтинг 20-октябрда жаңыланат.

Жаңылыктар түрмөгү
0