БИШКЕК, 14-сен. — Sputnik. АКШ Ирактагы “Ислам мамлекети” террордук уюмунун уулуу зат өндүрүүчү ишканасын жок кылды. Бул тууралуу РИА Новости АКШнын генерал-лейтенанты Джеффри Харригиандын сөзүнө таянып жазып чыкты.
Аталган фабрикага B-52 стратегиялык багытындагы оор бомбалоочу учак аркылуу сокку урулгандыгы кошумчаланууда.
"Бул "Ислам мамлекетинин" эл аралык нормаларды жана мыйзамдарды эске албагандыгынын, баш ийбегендигинин дагы бир мисалы", — деди Харригиан.
Аталган террордук топ буга чейин да Сирия менен Ирактагы аскерлерге жана жай тургундарга каршы химиялык курал колдонууга аракет кылган деп айыпталып келет.
