Ресторан менен кафелерде кальян жана тамекиге тыюу салууга кандай карайсыз

© flickr.com / Tom WoodwardКальян. Архив
Кальян. Архив - Sputnik Кыргызстан
Жазылуу
Жогорку Кеңештин депутаты коомдук жайларда тамеки жана кальян чегүүгө тыюу салуучу мыйзам долбоорун демилгеледи. Бул тууралуу сиз эмне дейсиз?

БИШКЕК, 7-сен. — Sputnik. Жогорку Кеңештин депутаты Дастан Бекешов кафе жана ресторандарда кальян чегүүгө тыюу салуу боюнча мыйзам долбоорун иштеп чыгып, коомдук талкууга чыгарды.

Эгер мыйзам долбоору кабыл алына турган болсо тыюу салуу тамеки тартуу үчүн атайын жайы жок бардык коомдук тамактануу жайларына карата колдонулат. Андыктан мындай жайларда тамеки чеккендер менен тамеки чекпегендер үчүн атайын бөлмөлөр болушу керек.

Ал эми Дастан Бекешев өзү кальян жана тамеки тартууга каршы эмес экенин билдирди.

"Мен тамеки чекпегендердин укугун сыйланышын каалайм. Ресторан менен кафелерде тамеки чегүү үчүн атайын орундардын болушу керек. Анын түтүнү чеккенге караганда алда канча зыяндуу", — дейт эл өкүлү.

Sputnik Кыргызстан агенттиги бул тыюу салуу боюнча айрым мекендештердин пикирин угуп көрдү. Сизге кимдин жообу жакса, ага добуш берсеңиз болот.

Жаңылыктар түрмөгү
0