БИШКЕК, 4-сен. — Sputnik. Дүйнөлүк көчмөндөр оюндарынын алкагында бүгүн көк бөрү, тогуз коргоол, ордо таяк тартыш оюндары өтүүдө.
Маалыматка ылайык, көк бөрү оюну саат 9:00дөн тарта ат майданда башталган. Таяк тартыш оюнунун финалы да саат 12:00гө чейин чыгарылат.
Саат 12:00дөн 18:00гө чейин казак күрөшү өтөт. Ошондой эле 18:00гө чейин тогуз коргоол оюну болот. Ал эми Көгүлтүр Ысык-Көл пансионатында ордо оюну өтүүдө.
Саат 15:00дөн 18:00гө чейин Кырчын жайлоосунда Салбурун (буркут салуу, далба ойнотуу) өтөт.
Дүйнөлүк көчмөндөр оюндары 3-8-сентябрда Ысык-Көлдө өтөт. 3-сентябрда Чолпон-Атанын Бактуу-Долоноту айылындагы ат майданда II Дүйнөлүк көчмөндөр оюндарынын ачылышы болду. Быйыл бул мелдешке 62 мамлекеттен спортчулар келген.
Sputnik Кыргызстан маалымат агенттиги жана радиосу Дүйнөлүк көчмөндөр оюндарынын расмий медиа өнөктөшү.
