БИШКЕК, 3-сен. — Sputnik. Кыргызстанда төрт саатын ичинде эки ирет жер титирегенин ӨКМ билдирди.
Маалыматка ылайык, кечээ саат 20.55те күчү 3,5 баллга жеткен силкинүү Ош облусунун Алай тоо кыркаларында катталган. Ал эми ишембиге караган түнү саат 00.43тө Ысык-Көлдөгү Каракол шаарынан түштүк-чыгышты карай 95 чакырым алыстыктагы аймакта дагы жер титиреди. Силкинүүнүн очогу Какшаал-Тоодо жайгашкан.
Эки учурда тең жабырлануучулар болгон жок.
