Президент эгемендүүлүккө карата бир катар ишмерлерди сыйлады

Жазылуу
Өлкө башчы кол койгон Жарлыкка ылайык, "Манас" ордени, "Даңк" медалы берилип, наамдар ыйгарылды.

БИШКЕК, 30-авг. — Sputnik. Президент Алмазбек Атамбаев бүгүн Кыргызстандын бир катар ишмерлерин сыйлоо боюнча Жарлыкка кол койгонун өлкө башчынын маалымат кызматы билдирди.

Аза ылайык, III даражадагы "Манас" ордени сегиз кишиге ыйгарылды. Алардын арасында Өзгөчө кырдаалдар министри — Кубатбек Боронов, ырчы Саламат Садыкова, Дарика Жалгасынова жана Туйгунаалы Абдраимовдор бар.

Акын Элмирбек Иманалиев. Архив - Sputnik Кыргызстан
Ак таңдай Элмирбек Эл артисти аталса, Аалы менен Жеңишбек эмгек сиңирген артист болду
Ошондой эле "Даңк" медалы менен "Город 312" тобунун ырчысы Светлана Назаренко (Ая), бийчи Атай Өмүрзаков да бар. Ошондой эле бул наам бир катар депутаттар менен мамлекеттик кызматкерлерге дагы тапшырылды.

Ал эми "Азия MIX" КВН командасынын жетекчиси Эльдияр Кененсаров менен белгилүү эстрада жылдызы Мирбек Атабековго "КР маданиятына эмгек сиңирген ишмер" наамы берилди.

Бул сыйлыктар эгемендүүлүктүн 25 жылдыгына карата, Кыргызстан элинин тарыхый жана маданий мурастарын, интеллектуалдык жана руханий потенциалын өнүктүрүүгө кошкон салымы, көп жылдык үзүрлүү эмгеги, каармандыгы жана эрдиги үчүн берилди.

Жаңылыктар түрмөгү
0