БИШКЕК, 30-авг. — Sputnik. Кытай элчилигинде жарылган унаанын ичиндеги бир адам каза болду. Бул тууралуу Саламаттык сактоо министрлигинин өкүлү Елена Баялинова Тез жардам станциясынын башкы дарыгери Искендер Шаяхметовго таянуу менен билдирди.
Эскерте кетсек, бүгүн эртең менен аталган элчиликтин ичинде жарылуу жаңырган.
"Окуя болгон жерге келген медициналык бригада жабыркаган эки кызматкерге жардам көрсөткөн. Мындан тышкары, дагы бир аял дарыгерлерге өзү кайрылган. Окуядан унаанын ичиндеги адам каза болду", — деди ал.
Учурда элчиликтин жанында милиция кызматкерлери, өрт өчүрүүчүлөр, Тез жардам турат, мындан тышкары саперлор иштөөдө.
