ТИМ Москвадагы өрттөн жабыркап ооруканага түшкөн кыргыздардын аты-жөнүн билдирди

© AFP 2023 / VASILY MAXIMOVМосквадагы өрттөнгөн басмаканадагы жабыркаган кыргыздар
Москвадагы өрттөнгөн басмаканадагы жабыркаган кыргыздар - Sputnik Кыргызстан
Жазылуу
Кырсыктан баш-аягы болуп 17 киши курман болгон, ал эми үчөө – бир аял менен эки эркек оор абалда ооруканада жатат. Көз жумгандардын 15и кыргызстандыктар.

БИШКЕК, 27-авг. — Sputnik. Москвадагы өрттөнгөн басмаканадагы жабыркаган кыргыздардын абалы оор бойдон калууда. Буга чейин Алтуфьевск шоссесиндеги басмаканадагы тилсиз жоодон көз жумгандардын саны 17 деп кабарланган. Өрт — электр лапмасынын замдарынын кызып кеткенинен чыккан деген версия айтылды. Россиянын тергөө комитети бул боюнча кылмыш ишин козгоду.

Москвадагы басмаканадагы өрттөн кеминде 17 адам каза болду, көбү кыргыздар - Sputnik Кыргызстан
Москвадагы басмаканадагы өрттөн кеминде 17 адам каза болду, көбү кыргыздар
Тилсиз жоодон жабырланган эки эрекек киши Иноземцев атындагы №36 шаардык клиникалык ооруканасына жеткирилген. Дагы бир аял киши Склифосовский атындагы илим-изилдөө институтунун кайра жандандыруу бөлүмүндө жатат. 

№36 шаардык ооруканада иштеген медициналык кызматкер 20 жана 23 жаштагы кыргызстандык эки жигит келип түшкөндүгүн жана алар Россия аймагында мыйзамсыз жүргөнүн айтты.

"Күйүк бөлүмүнөн кайра жандандыруу бөлүмүнө которулду, экөөнүн тең абалы оор", — деди медкызматкер.

Склифосовский атындагы ооруканага жеткирилген аялдын жашы азырынча тактала элек. Аталган жайдын кызматкерлеринин маалыматында, ал дагы оор абалда жатат жана өмүрүн сактап калуу үчүн бардык аракеттер көрүлүп жатат.

Ооруканадан алардын туугандары менен байланышууга мүмкүн болду деп айтышты.

Өрт кызматкерлери. Архив - Sputnik Кыргызстан
Шакиров: Москвадагы өрттөн каза болгондордун көбү кыз-келиндер болуп чыкты
Кыргызстандын ТИМи учурда ооруканада Кыргызстандын Кызбулак Калбай кызы, Уларбек Исраил уулу, Нурмахамед Кадыржанов атуу үч жараны жаткандыгын билдирди. Министрликтен дагы бир жаран ооруканага жетпей жолдон көз жумгандыгын кабарлады.

ТИМдин тактаган маалыматтарына таянсак, каза болгон кыргызстандыктардын саны – 15 адам.

Жогоруда айтылган ооруканаларга КРдин Россиядагы элчислигинин кызматкерлери чыгып кетти, ал эми аза болгон жарадын аты-жөнү такталууда.

Москва шаарындагы кыргызстандыктар каза тапкан басмаканада чыккан өрттөн тартылган кадрларды Sputnik Кыргызстандын видеосунан көрүңүз>>

Жаңылыктар түрмөгү
0