БИШКЕК, 25-авг. — Sputnik. Ош шаарында 27-август күнү мэрия кызматкерлери, депутаттар жана ЖМК өкүлдөрүнүн ортосунда сууда сүзүү боюнча таймаш боло турганын муниципалитет билдирди.
Маалыматка ылайык, иш-чара Тарых жана маданият жылына, эгемендүүлүктүн 25 жылдыгына карата өткөрүлүүдө.
"Мелдеш эркектер жана аялдар арасында 20-30 жаш, 31-40 жаш жана 41 жаштагылардан жогорку деп үч топко бөлүнөт. Мында катышуучулар 50 метр аралыкка эркин сүзүү жана 25 метрлик эстафета боюнча күч сынашат", — деп айтылат билдирүүдө.
Иш-чара дене тарбия жана спортту калк арасында пропагандалоо, майрамдык маанайын спорт оюндары аркылуу көтөрүүнү максат кылат.
