БИШКЕК, 23-авг. – Sputnik. Чеченстандын Шатой районунда куткаруучулар селфи жасайм деп капчыйгадан кулап, ташка илинип калган эркекти сактап калды. Бул туурасында РИА Новости билдирди.
"Эркек киши досу менен капчыгайдагы аскага чыгып жаратылыштын көрүнүшүн телефонго тартам деген. Кызыгып кетип асканын дал кырына чыгып, тең салмактуулугун сактай албай ылдыйды көздөй кулаган. 30 метрден кийин анча чоң эмес ташка илинип калган", — деп билдиришти Өзгөчө кырдаалдар министрлигинен.
Ажалы жок киши албууттанган дарыяга 40 метрдей гана жетпей калган.
Бактыга жараша, андан алыс эмес жерде куткаруучулар жүргөндүктөн, беркини жарым сааттан кийин сууруп чыгышкан.
