БИШКЕК, 22-авг. — Sputnik. Голливуд актеру Леонардо Ди Каприо даниялык модель Нина Агдал менен Нью-Йорк штатында жол кырсыгына кабылды. Бул тууралуу New York Post гезитине таянуу менен РИА Новости жазып чыкты.
Басылманын айтымында, кырсыктан эч ким жабыркаган эмес. Болгону Mini Cooper унаасынын алдыңкы бөлүгү мыйрыйып калган.
Кырсыкка күбө болгон адамдын айтымында, Лео алгач кызынын аман-эсен экенин көрүп, андан соң окуяга себепкер айымга жардам берген.
"Аял абдан коркуп калыптыр. Лео аны менен аябай сылык-сыпаа сүйлөштү", — деди күбө.
Эскерте кетсек, белгилүү актер 2016-жылы "Тирүү калган" тасмасында жараткан ролу үчүн "Оскар" алган. Мындан тышкары, ушул эле эмгеги үчүн үчүнчү ирет "Алтын глобуска" татып, АКШнын киносынчылар ассоциациясынын сыйлыгына ээ болгон.
