Түркия балдарга сексуалдык ыдык көрсөткөндөргө карата жазаны күчөтөт

© Sputnik / Владимир Астапкович / Медиабанкка өтүүТүркиянын желеги. Архив
Түркиянын желеги. Архив - Sputnik Кыргызстан
Жазылуу
Түркиянын юстиция министри Бекир Боздог иштеп чыккан аталган мыйзамдолбоордо кылмыш кылгандар балдардын жаш өзгөчөлүгүнө жараша жазаланат.

БИШКЕК, 20 — авг. — Sputnik. Түркиянын бийлиги Швеция менен дипломатиялык жаңжалдан улам балдарга сексуалдык мазактоого баргандарга жазалоону күчөтүүнү пландоодо. Бул туурасында Hurriyet езитинин маалыматына таянып РИА Новости билдирди.

Куралчан адам. Архив - Sputnik Кыргызстан
ЮНИСЕФ: Түштүк Суданда 16 миң өспүрүм согушка аралашып кеткен
Маалыматта билдиргендей, Түркиянын юстиция министри Бекир Боздог иштеп чыккан аталган мыйзам долбоордо кылмыш кылгандар балдардын жаш өзгөчөлүгүнө жараша жазаланат. Мыйзам долбоордо 12 жашка чейинки балдарга сексуалдык мазактоо жасагандардын жазасы күчөтүлүп, кеминде 10 жылга абакка кесилет деп өзгөртүлгөн. Эгерде зордук-зомбулук кылган болсо 18 жылдан өйдө мөөнөт берилет. Жашы 12ден 18 жашка чейинки өспүрүм курактагы балдарга сексуалдык мазактоо кылгандардын жаза мөөнөтү 8 жылдан 15 жылга чейин деп белгиленген.

Түркиянын Конституциялык соту июлда 15 жашка чейинки балдар менен сексуалдык карым-катнашка баргандар боюнча Кылмыш жаза кодексинин жоболорунун алынып салынышына добуш берген. Сексуалдык зордук-зомбулук чатактарына каршы Бириккен Улуттар Уюмунун ыйгарым укуктуу өкүлү, Швециянын тышкы иштер министри Маргот Валльстрем өзүнүн Twitterгдеги баракчасына аталган мыйзам долбоордогу өзгөртүүлрдү жокко чыгарыш керек деп жазып, каршылыгын билдирген. Анын билдирүүүнө Түркиянын тышкы иштер министри Мевлют Чавушоглу бул жалган маалыматтын жана спекуляциянын негизинде жарыяланган деп жооп кылып, Швециянын элчисин Анкарага чакырган.

Жаңылыктар түрмөгү
0