БИШКЕК, 19-авг. — Sputnik. Канынан допинг табылып Олимпиададан четтетилген Иззат Артыковдун коло медалы жарышта төртүнчү орун алган колумбиялык спортчу Луис Хавьер Москера Лозанога берилет. Бул тууралуу британиялык The Guardian басылмасы жазып чыкты.
Луис Хавьер Москера Лозано жалпысынан 338 килограмм көтөрүп, төртүнчү орунга ээ болгон.
19 Баш оона 2016, 01:09
Эске сала кетсек, бейшемби күнү Спорттук арбитраждык сот (CAS) оор атлетчи Артыковду Рио Олимпиадасында ээ болгон коло медалынан ажыраткан. Ага допинг текшерүүнүн натыйжасында спортчунун канынан табылган стрихнин каражаты себеп болду.
Спортчу 69 килограммдык салмакка чейинки категорияда коло медалга татыган. Бул кыргызстандык команданын Риодогу жетишкен жалгыз ийгилиги болчу.
Учурда Иззат Артыков соттун чечимине эч кандай комментарий бере элек.
Ал эми Кыргызстандын тийиштүү мамлекеттик органдары чыккан чечимдин үстүнөн даттанып, аппеляциялык арыз берүүгө укугу бар.
