БИШКЕК, 18-авг. — Sputnik. Алтын албасак да жеңишке жетип, эт жебесек да шорпо ичкендей болуп отурган чагыбыз. Балбан кыз Айсулуу Тыныбекова катары менен эки ирет атаандаштарын жыкканда жумурай журттун жүрөгү дүкүлдөп, мына-мына алтынды илип кетет деп турдук. Бирок, тилекке каршы, Айсулуу жеңилүү ызасын татып, дүйнөдөгү беш мыкты балбандын катарына кирди.
Анткен менен кичинекей кара тору кыз бүтүндөй кыргыз журтун бир сапка тизип, бир дем менен дем алдырды. Алты миллион элди артынан ээрчите алды.
Назараңыздарга социалдык тармактардагы Айсулуу Тыныбековага жан тарткан постторду сунуштайбыз.
erkeaiym_j аттуу колдонуучу Айсулуу алтын утпаса да алтындан артык иш жасады дейт.
Ал эми taevaaidana болсо Айсулуу биз үчүн баары бир чемпион экенин айтат.
Айсулууга бир гана Кыргызстандагы эле эмес, дүйнөнүн төрт бурчундагы кыргыздар да жан тартып турду. Ал эми perishte_kunduz көздөн от чачырап турганын айтат.
Макс Төлөнов болсо Айсулуу Тыныбекованын артында бүтүндөй кыргыз эли турганын белгилейт.
Биздин кеңседегилер да четте калган жок
Кеңседеги маектен үзүндү…
— Ismail Mamytov (@Ismail_Mamytov) 17 августа 2016 г.
Аза: — Бүгүн Айсулуу Тыныбекова точно утат
Канышай эже: — Аза, ушул сөзүң үчүн көзүмө жакшы көрүнүп жатасың да..
Данияр Абдыбеков болсо берилген убадаларды санап көргөн.
Айгерим Турганбаева Айсулуу балбан 6 мүнөттө кыргыздарды бириктирди дейт.
Шумкарбек Пазиев: Айсулуу айымдардын сырттанысың!
Ал эми акын Жеңишбек Жумакадыр ыр чыгарганга жетишкен.
