БИШКЕК, 9 авг — Sputnik. Францияда теракт кылууну пландаган деген шек менен 16 жаштагы кыз кармалганын Франс Пресс агенттигине таянып, РИА Новости билдирди.
Париждин прокуратурасы кызды камакка алуу жана ага карата соттук териштирүүнү баштоо буйругун чыгарган. Өспүрүм кызды антитеррористик операциянын алкагында өткөн жумада кармашкан. Ал Telegram мессенжер тобунда админстротор болгондуктан, ошол жерден теракт жасоо коркунучу тууралуу жазган. Ошондой эле кыз "Ислам мамлекети" террористтик тобун даңазалаган маалыматтарды жарыялап жүргөн.
"Ал ИМ тобун даңазалаган, адамдарды кол салууга чакырган жана өзү да чабуулга чыкканга каалоосу күч экенин билдирген маалыматтарды көп жарыялаган" — деп билдирет агенттик.
Өспүрүм кыздын компьютери жана телефону алынган.
