БИШКЕК, 7-авг. — Sputnik. Жалал-Абад облусунун Чаткан районундагы Терек-Сай айылында нөшөрлөп жааган жаандан улам сел жүрүп 10-15 үйдүн короосун жана сарайларына сел суулары киргенин ӨКМдин маалымат кызматы билдирди.
Маалыматка ылайык, сел 6-августта саат 17:30дар чамасында жүргөн. Селдин калдыктары автоунаа жолуна түшүп, жолду жаап калган. Учурда тазалоо иштери жүрүп, жол бир тарапка ачылган.
Ошондой эле бир үй авариялык абалга келгендиктен ал жакта жашаган тургун туугандарыныкына көчүрүлгөн.
Андан сырткары ушул эле күнү саат 20:30дар чамасында Терек-Сай айылынын Кош-Көпүрө аймагындагы суунун деңгээли көтөрүлүп, көпүрөнүн тирөөчүн жарым жартылай алып кеткен. Оңдоо иштери жүрүп, атайын техника тартылган.
