БИШКЕК, 5-авг. — Sputnik. Жайыл райондук ички иштер башкармалыгынын алдындагы кылмышкерлерди убактылуу кармоочу жайы толук кандуу оңдоп-түзөөдөн өткөрүлгөндүгүн ИИМден билдирди.
Убактылуу кармоочу жайдын ремонттон кийинки ачылыш салтанатына Ички иштер, Саламаттык сактоо министрлигинин өкүлдөрү жана район активдери катышты.
"Убактылуу кармоочу жай ИИМ, Саламаттык сактоо министрлиги жана Кызыл жарым ай коомунун жардамы менен оңдоп-түзөөдөн өткөрүлдү. Мындан ары анда кармалчу жарандарга жакшы шарттар түзүлөт", — деп айтылат маалыматта.
Аталган жай 1994-жылдан бери ремонттон өткөрүлбөй келет.
