БИШКЕК, 4-июл. — Sputnik. Ирандын бийлиги жергиликтүү "Таухид жана Жихад" террордук тобуна мүчө болгон Күрдстан провинциясынын 25 тургунун өлүм жазасына тартты.
Алар Ирандын бир катар шаарларында теракт уюштурду деп айыпталганын провинциянын прокуратурасы билдирди. Айыпталган жарандар Тегерандан алыс эмес Раджаи түрмөсүндө кармалып келген.
Укук коргоо органдарынын маалыматы боюнча террорчулар кол салып, курмандыктарын уурдап кетип турушкан. Жабыркагандардын арасында аскерлер менен жай тургундар да болгон.
